វិធីសាស្ត្រក្នុងការដោះបំណុលរយៈពេលខ្លី

១. កាត់បន្ថយការទិញរបស់ណាដែលមិនចាំបាច់៖ ដូចជាការទិញសំលៀកបំពាក់ ​និងចំណាយលើសម្ភារៈនិយមឥតប្រយោជន៍ផ្សេងៗ ​ដែលមិនចំបាច់​ ដើម្បីសល់លុយខ្លះសម្រាប់ដោះស្រាយបំណុល។

២. កាត់បន្ថយការញុំាអាហារថ្លៃៗ៖ ការញុំាអាហារខាងក្រៅថ្លៃៗ​ ព្រមទាំងការចំណាយដោយមិនដឹងខ្លួនមួយចំនួន អាចជួយឱ្យយើងសល់លុយសម្រាប់ដោះបំណុលបន្ថែម។

៣. កត់ត្រាបំណុល៖ អ្នកត្រូវចេះកត់ត្រាបំណុល ដែលអ្នកជំពាក់គេទាំងប៉ុន្មានសរសេរទុកនៅក្នុងកូនសៀវភៅឱ្យបានល្អដោយបែងចែកទៅតាមអត្រាការប្រាក់ខ្ពស់និងទាប បន្ទាប់មកអ្នកត្រូវចាប់ផ្តើមដោះបំណុលដែលខ្ពស់មុនគេ​បង្អស់ ជាបន្តបន្ទាប់រហូតដល់អស់អត្រាការប្រាក់ដែលខ្ពស់។

៤. សង្កេត&តាមដាន៖ យើងត្រួតពិនិត្យទៅលើរបាយការណ៍បំណុល ដែលមានជាប្រចាំថ្ងៃ ដើម្បីជាការដាស់តឿនក្រើនរំលឹក និងជាការលើកទឹកចិត្តឱ្យខ្លួនឯង​ នៅពេលដែលឃើញបំណុលរបស់អ្នក ចាប់ផ្តើមថយចុះជាលំដាប់ ពីមួយថ្ងៃទៅមួយថ្ងៃជារៀងរាល់ខែ។

៥. យល់ពីចំណេះដឹងហិរញ្ញវត្ថុ៖ អ្នកត្រូវចាប់ផ្តើមពីការទាញយកចំណេះដឹង ពីហិរញ្ញវត្ថុមកដាក់នៅក្នុងខ្លួន ដើម្បីអាចរកឃើញផ្លូវចេញពីបំណុលបានច្រើន គន្លឹៈដើម្បីអាចឃើញផ្លូវចេញពីបំណុល​អ្នកត្រូវសិក្សាតាមរយៈ ការមើល​ យូធូប អានសៀវភៅដែលទាក់ទងអំពីការដោះបំណុល​។

ខ្ញុំសង្ឃឹមថាមេរៀនដែលខ្ញុំបានសរសេរនេះគឺជាការបណ្តុះផ្នត់គំនិតសន្សំសំចៃ ធ្វើឱ្យអ្នកឈប់ប្រើលុយខុស​ ដែលបានចំណាយលើរបស់មិនបានបង្កើន​ចំណូល​ អ្នកត្រូវឈប់បង្កើតបំណុលមិនល្អ។ រៀនសិក្សាពីការប្រើប្រាស់លុយឱ្យបានល្អច្រើនជាងមុន ដែលធ្វើឱ្យអ្នករីកចម្រើនផ្នែកអចលនទ្រព្យ ត្រូវដាក់គោលដៅថាអ្នកនិងអាចបង្កើតចំណូលបានច្រើន រហូតដល់ខ្ទង់លានដុល្លារនៅថ្ងៃអនាគត។