ដើមកំណើតបុណ្យមាឃបូជា

ពិធីបុណ្យមាឃបូជា​ គឺប្រារព្ធឡេីងដោយហេតុបីយ៉ាងសំខាន់គឺ៖

១.​ ជាការរម្លឹកថ្ងៃដែលភិក្ខុសង្ឃ​ ១២៥០អង្គ​ ជាព្រះអរហន្ត​ មកប្រជុំគ្នាដោយពុំមាននរណានិមន្តទុកមុនមកទេ​ គឺនិមន្តមកដោយអង្គឯងហៅថា ចតុរង្គសន្និបាត។

​

២.​ជាថ្ងៃដែលព្រះពុទ្ធទ្រង់ប្រទាននូវឱវាទបាតិមោក្ខ។​ ​

៣.ជាថ្ងៃដែលព្រះពុទ្ធទ្រង់ដាក់ព្រះជន្មាយុសង្ខារចំពោះមុខមារាធិរាជ​ ថា៣ខែទៀតទ្រង់នឹងបរិនិព្វាន។

មាឃបូជា គឺជាពិធីបុណ្យមួយដ៏មានសារសំខាន់បំផុតនៅក្នុងព្រះពុទ្ធសាសនា។​ បុណ្យមាឃបូជាប្រារព្ធឡើង ដើម្បីរំលឹកដល់ថៃ្ងដែលព្រះសម្មាសម្ពុទ្ធទ្រង់ប្រកាសបង្កើតព្រះពុទ្ធសាសនាឡើងក្នុងលោក នាប្រទេសឥណ្ឌាកាលពី​ ៥៨៨ឆ្នាំមុនគ្រិស្តសករាជ នាថៃ្ងទី១៥កើត ខែមាឃ ក្រោយពីការត្រាស់ដឹងរបស់ព្រះអង្គចំនួន​ ៩ខែគត់។