កិច្ចសហការ MOU រវាងក្រុមហ៊ុន WHY READ និង អ្នកនិពន្ធ នៅ សករាជ ស្ថាបនិក អាកាសា ភ្នំត្បែង (Resort)

លោក ង៉ែត ពិសិត នាយកក្រុមហ៊ុន WHY READ និងបណ្ណាល័យអេឡិចត្រូនិក WHY READ APP បានចុះកិច្ចព្រមព្រៀងស្ដីពីការសហការដាក់សៀវភៅអេឡិចត្រូនិក ជាមួយលោក នៅ សករាជ នៅ សករាជ ស្ថាបនិក អាកាសា ភ្នំត្បែង (Resort) នារសៀលថ្ងៃ ១១ ខែ ឧសភា ឆ្នាំ ២០២៣ កន្លងទៅនេះ។

លោក ង៉ែត ពិសិត បានថ្លែងអំពីគោលបំណងសំខាន់ៗ ៣ ក្នុងកិច្ចសហការមួយនេះថា៖

១. ដើម្បីពង្រីកវិសាលភាពនៃការអានទៅកាន់ស្រទាប់បេះដូងយុវជនដោយផ្ដើមទម្លាប់ចេញពីការអានរឿងអប់រំខ្លីៗទៅជាសៀវភៅអប់រំល្អៗដែលមានកម្រាសក្រាសៗ។

២. រួមចំណែកក្នុងការពង្រឹងវិស័យអប់រំបែបឌីជីថលទៅកាន់សាធារណៈជន ដោយអ្នកអានទូទាំងពិភពលោកអាចអាននិងស្ដាប់សៀវភៅរាប់ម៉ឺនចំណងជើងទាំងភាសាខ្មែរ និងអង់គ្លេសនៅក្នុងទូរស័ព្ទដៃរបស់គេផ្ទាល់បានគ្រប់ទីកន្លែង និងគ្រប់ពេលវេលា។

៣. ពាំនាំស្នាដៃអ្នកនិពន្ធខ្មែរទៅកាន់សាធារណៈជនមិត្តអ្នកអានទាំងក្នុងស្រុក និងបរទេសដើម្បីបានសិក្សាស្វែងយល់តាមរយៈការអានសៀវភៅ E-books នៅក្នុង WHY READ App យើងផ្ទាល់។ ហើយយើងនឹងរួមចំណែកយ៉ាងសំខាន់ក្នុងការពង្រីកប្រភពចំណូលជូនដល់អ្នកនិពន្ធទាំងខ្មែរនិងបរទេសបន្ថែមមួយកម្រិតទៀត។

ស្នាដៃរបស់លោក នៅ សករាជ

១. សៀវភៅ ទំនាក់ទំនងអន្តរជាតិ

២. សៀវភៅ ក្បួនគិត ហូ ជីមិញ

៣. សៀវភៅ ត្រៃចិន្តា

អាន និងស្ដាប់សៀវភៅជុំវិញពិភពលោកនៅក្នុង WHY READ APP